عمان میں ہندوستان، پاکستان اور بنگلہ دیش سے آنے والے مسافروں کے داخلے پر پابندی

کورونا بحران: عمان میں ہندوستان، پاکستان اور بنگلہ دیش سے آنے والے مسافروں کے داخلے پر پابندی
عُمان نے کورونا کو پھیلنے سے روکنے کے لیے بھارت، بنگلہ دیش اور پاکستان سے آنے والے مسافروں کے داخلے پر پابندی عاید کر دی ہے، اس فیصلے کا اطلاق ہفتہ 24 اپریل سے ہوگا
مسقط: خلیجی سلطنت عُمان نے کووِڈ-19 کو پھیلنے سے روکنے کے لیے بھارت، بنگلہ دیش اور پاکستان سے آنے والے مسافروں کے داخلے پر پابندی عاید کر دی ہے۔ ملک کی کمیٹی عظمیٰ نے اپنے بیان میں کہا کہ ہندوستان، پاکستان اور بنگلہ دیش سے عمان آنے والے یا گزشتہ 14 دنوں میں ان تینوں ممالک سے گزرنے والے لوگوں کے عمان داخلہ پابندی رہے گی۔ عُمان کے سرکاری ٹیلی ویژن کی اطلاع کے مطابق اس فیصلے کا اطلاق ہفتہ 24 اپریل سے تاحکم ثانی ہوگا۔
اس دوران 12 سال سے کم عمر کے بچوں کو دکانوں اور تجارتی مقامات پر جانے کی اجازت نہیں ہوگی۔ کمریشیل انسٹی ٹیوٹ بھی اس حکم پر عمل کریں گے اور دکانوں اور چائے خانوں میں ان کی صلاحیت سے آدھے لوگ ہی بیٹھ سکیں گے۔ بیان میں کہا گیا ہے کہ حکم کی خلاف ورزی کرنے والوں پر قانونی کارروائی عمل میں لائے جائے گی۔

مزید دیکهے

متعلقہ خبریں