ٹیکہ کاری مرکز پر پیدل پہنچنے والے ہر غریب کو ٹیکہ لگایا جائے: راہل گاندھی

راہل گاندھی نے اپنے تازہ ٹوئٹ میں لکھا ہے”ویکسین کے لئے صرف آن لائن رجسٹریشن کافی نہیں۔ ویکسین سینٹر چل کر آنے والے ہر شخص کو ٹیکہ ملنا چاہیے۔ زندگی کا حق ان کا بھی ہے جن کے پاس انٹرنیٹ نہیں ہے۔“کانگریس کے سابق صدر راہل گاندھی نے ٹیکہ کاری کے لئے آن لائن رجسٹریشن کے سلسلے میں سرکار کی نکتہ چینی کرتے ہوئے جمعرات کے روز کہا کہ جن غریبوں کے پاس انٹرنیٹ نہیں ہے اور وہ بغیر رجسٹریشن کے پیدل چل کر ٹیکہ کاری مرکز پر ا?تے ہیں، تو ان کو بھی ٹیکہ لگوانے کا حق ہے اور انہیں اس حق سے محروم نہیں رکھا جاسکتا۔کانگریس لیڈر نے کہا ہے کہ ٹیکہ لگوانا ملک کے ہر شہری کا حق ہے اور آج بھی ایسے بے شمار غریب لوگ ہیں جن کے پاس انٹرنیٹ کی سہولت موجود نہیں ہے، لیکن انہیں ٹیکہ لگانے کے حق سے محروم نہیں رکھا جاسکتا، اس لئے ٹیکہ کاری مرکز پر آنے والے ہر شخص کو ٹیکہ لگانا چاہیے۔ یہ باتیں راہل گاندھی نے اپنے تازہ ٹوئٹ میں کہیں ہیں۔ انھوں نے ٹوئٹ میں لکھا ہے کہ ”ویکسین کے لئےصرف آن لائن رجسٹریشن کافی نہیں ہے۔ ویکسین سینٹر چل کر آنے والے ہر شخص کو ٹیکہ ملنا چاہیے۔ زندگی کا حق ان کا بھی ہے جن کے پاس انٹرنیٹ نہیں ہے۔

مزید دیکهے

متعلقہ خبریں