ٹرمپ کو شمالی کوریا کے سربراہ کی دعوت

سرینگر//﴿آفتاب ویب ڈیسک ﴾شمالی کوریا کے رہنما کم جونگ ان نے صدر ٹرمپ کی جانب دی گئی دورہ امریکا کی دعوت قبول کرلی ساتھ ہی انہوں نے امریکی صدر کو بھی دورہ شمالی کوریا کی دعوت بھی دے ڈالی جس پر ٹرمپ شش و پنج کا شکار ہوگئے۔ میڈیا رپورٹس کے مطابق کم جونگ ان نے صدر ٹرمپ کو دورہ شمالی کوریا کی دعوت دی ہے جس پر غور جاری ہے ، صدر کم جونگ نے کہا ہے کہ ایک دوسرے کے خلاف فوجی اقدامات کو بند ہونا چاہئے۔صدر ٹرمپ نے اپنے ایک ٹوئٹ میں کہا ہے کہ میں صدر کم کا شکر گزار ہوں کہ انہوں نے عوام کے روشن مستقبل کے لیے ایک بولڈ اسٹیپ اٹھایا اور ہماری ملاقات ممکن ہوئی ہمار ی ملاقات بے مثال تھی۔انہوں نے کہا کہ اس ملاقات سے ثابت ہوتا ہے کہ تبدیلی ممکن ہے اس کے لیے دونوں ملکوں کو مل کر کام کرنا ہوگا۔

مزید دیکهے

متعلقہ خبریں