اقوام متحدہ کی سعودی صحافی کے لا پتہ ہونے پر تشویش

سرینگر//﴿آفتاب ویب ڈیسک ﴾  اقوام متحدہ کے سیکریٹری جنرل نے سعودی صحافی کے لا پتہ ہونے پر تشویش کا اظہار کیا ہے۔ اقوام متحدہ کے سکریٹری جنرل انتونیو گوٹریس نے سعودی عرب کے سینئر صحافی جمال خاشقجی کے لا پتہ ہونے پر دکھ کا اظہار کرتے ہوئے صحافیوں کے مسائل کو لے کر تشویش کا اظہار کیا۔اقوام متحدہ کے ترجمان نے کہا کہ گوٹریس نے اقوام متحدہ کے رکن ممالک سے صحافیوں کے تحفظ، انصاف اور انسانی حقوق کی حفاظت کی اپیل کی ہے۔واضح رہے کہ جمال خاشقجی، دو اکتوبر کو ترکی کے شہر استنبول میں سعودی قونصل خانے میں داخل ہوئے تھے جس کے بعد سے ان کا کوئی پتہ نہیں تھا۔خاشقجی کا نام سعودی حکومت مخالفین کی اس فہرست میں بھی شامل رہا ہے جو ریاض حکومت کو مطلوب رہے ہیں اور خاشقجی، سعودی حکومت کے انتقامی اقدام سے خائف ہو کر ہی سعودی عرب سے باہر رہائش پذیر تھے۔

مزید دیکهے

متعلقہ خبریں