کوروناوائرس: عالمی ادارہ صحت کا بڑا اعلان

کم قیمت پر کرونا ٹیسٹنگ کٹس جو 15منٹ میں وائرس کی تشخیص کرئے گا مختلف ممالک کو فراہم کئے جائیں گے:عالمی ادارہ صحت

نیوز ایجنسیز : واشنگٹن /عالمی ادارہ صحت(ڈبلیو ایچ او) نے کم قیمت کرونا ٹیسٹنگ کٹس ترقی پذیر ممالک کو فراہم کرنے کا اعلان کردیا، یہ کٹس 15 منٹ میں کرونا کی تشخیص کریں گی۔ڈبلیو ایچ او کی جانب سے سستی اور فوری نتائج دینے والی کرونا ٹیسٹنگ کٹس ان ممالک کو فراہم کی جائیں گی جو غریب اور متوسط ہیں، صرف 5 ڈالر (829 روپے) کا یہ اینٹی جین ٹیسٹ وائرس کے جینیاتی مواد کی بجائے اس کے باہری عناصر کو پکڑ کر کرونا کی تشخیص کرے گا۔رپورٹ کے مطابق عالمی ادارہ صحت 12 کروڑ ٹیسٹ کٹس مختلف ممالک کو فراہم کرے گا، ٹیسٹنگ کٹس جنوبی کوریا کے ایس ڈی بائیو سنسر اور امریکا کی کمپنی ایبٹ نے تیار کی ہیں۔ترقی پذیر ممالک کو عالمی ادارہ صحت کے گلوبل فنڈ سے 5 کروڑ ڈالرز بھی دیے جائیں گے تاکہ مذکورہ ممالک / جاری صفحہ نمبر ۱۱پر
ان ٹیسٹوں کو خرید سکیں جن کے اولین آرڈر رواں ہفتے دیے جانے کا امکان ہے۔دنیا بھر میں اس وقت کرونا وائرس کی تشخیص کے لیے ‘پولیمر چین ری ایکشن’ یا ‘پی سی آر’ نامی ٹیسٹنگ کٹس استعمال ہورہی ہیں، جس میں وائرل جینیاتی مواد کو خصوصی لیبارٹری آلات میں دیکھا جاتا ہے، ان کٹس کی تیاری میں بھاری رقم خرچ ہوتی ہے اور کئی ممالک اس سے محروم بھی ہیں۔تاہم عالمی ادارہ غریب ممالک کو جنوبی کوریائی ٹیسٹ فراہم کرے گا جو سستے ہوں گے، صرف 5 ڈالر کا یہ اینٹی جین ٹیسٹ وائرس کے جینیاتی مواد کی بجائے اس کے باہری عناصر کو پکڑ کر کرونا کی تشخیص کرے گا۔دریں اثنا ڈبلیو ایچ او 5 دیگر اینٹی جین ٹیسٹوں پر بھی نظرثانی کررہا ہے۔خیال رہے کہ حالیہ دنوں اپنے ایک بیان میں عالمی ادارہ صحت کے ڈائریکٹر جنرل ڈاکٹر ٹیڈروس کا کہنا تھا کہ ہم مشکل رسائی والے علاقوں میں ٹیسٹنگ کی سہولت کو توسیع دینا چاہتے ہیں، جو ٹیسٹ ہم فراہم کریں گے ان کی قیمتوں میں مزید کمی بھی لائی جائے گی، غریب ترین ممالک کی ٹیسٹنگ گنجائش بڑھانا ضروری ہے۔عالمی ادارہ صحت کے ایک سینئر عہدیدار کا کہنا ہے کہ کورونا ویکسین کے حوالے سے کوششیں جاری ہیں تاہم ابھی تک اس وائرس کی روکتھام کی خاطر کوئی موثر علاج دریافت نہیں ہوا۔ انہوںنے کہاکہ اس وائرس سے نجات حاصل کرنے کی خاطر لوگوں کو احتیاطی تدابیر پر من وعن عمل کرنی چاہئے۔

مزید دیکهے

متعلقہ خبریں