آج کراچی کنگز اور لاہور قلندرز کی ٹیمیں فائنل میں ٹکرائیں گی - سپر لیگ کا فائنل جیتنے والی فاتح ٹیم کو پانچ لاکھ ڈالرکی رقم دی جائےگی

کراچی ؍کراچی کنگز اور لاہور قلندرز کے مابین پاکستان سپر لیگ2020 کا فائنل آج کھیلا جائےگا۔تفصیلات کے مطابق دونوں ٹیمیں میگا ایونٹ کے فائنل میں ٹکرائیں گی جس کیلئے میدان سج گیا ہے۔میچ رات آٹھ بجے کراچی کے نیشنل اسٹیڈیم میں کھیلا جائے گا۔پلےآف مرحلے میں کراچی کنگز نے ملتان سلطانز کوڈھیر کردیا اور براہ راست فائنل میں جگہ بنائی جبکہ لاہور قلندرز نے ایلی مینیٹڑز ون میں پشاور زلمی اور ٹو میں ملتان سلطانز کو شکست دے کر فائنل تک رسائی حاصل کی۔پی ایس ایس میں اب تک دونوں ٹیمیں 10 بار آمنے سامنے آئی ہیں، کراچی کی 6 بار جیت تو لاہور کی ٹیم 4 بار فاتح رہی۔دونوں ٹیموں کے درمیان رواں سیزن میں 2 میچ ہوئے جس میں سے ایک میچ کراچی کنگز جبکہ ایک قلندرز نے اپنے نام کیا۔پاکستان سپر لیگ کا فائنل جیتنے والی فاتح ٹیم کو چمچماتی ٹرافی کے ساتھ پانچ لاکھ امریکی ڈالرز کی انعامی رقم دی جائے گی جبکہ رنر اپ ٹیم بھی خالی ہاتھ نہیں جائے گی اسے بھی پاکستان کرکٹ بورڈ کی جانب سے دو لاکھ امریکی ڈالر انعام میں دیئے جائیں گے ۔ تفصیلات کے مطابق پی ایس ایلایونٹ کا فائنل دنیا بھر میں براہ راست نشر کیا جائے گا اور امید ہے کہ کروڑوں مداح اس فائنل کو براہ راست دیکھیں گے ۔ میچ کے حوالے سے لاہور قلندرز کے کپتان سہیل اختر کا کہناہے کہ فائنل کھیلنے والی دونوں ٹیمیں متوازن ہیں ، ٹی ٹوینٹی کرکٹ میں ایک دو کھلاڑی ہی اپنی پرفارمنس سے پانسہ پلٹ دیتے ہیں ۔دوسری جانب کراچی کنگز کے کپتان عماد وسیم کہتے ہیں کہ بڑا فائنل ہونے جارہاہے ،د ونوں شہروں کی سڑکیں سنسان ہوں گی ، ہم یہ فائن ڈین جونز کیلئے کھیلیں گے۔ واضح رہے کہ لاہور قلندرز کو فخر زمان ، محمد حفیظ ، حارث روف اور شاہین شاہ آفریدی جیسے خطرناک مقامی جبکہ بین ڈنک اور ڈیوڈ ویساکی صورت میں خطرناک اور جارحانہ غیر ملکی کھلاڑیوں کی خدمات حاصل ہیں ۔کراچی کنگز میں محمد عامر ، بابرا عظم ، شرجیل خان ، والٹن اور ایلکس ہیلز کی صورت میں بڑے نام شامل ہیں ۔فائنل میچ کی سیکیورٹی کے حوالے سے سٹیڈیم روڈ کو میچ سے قبل بند کر دیا جائے گا ، لیاقت آباد دس نمبر سے آنے والی ٹریفک حسن سکوائر پل سے نیو ٹاؤن موڑا جائے گا ، نیپا سے حسن سکوائر جانے والی ٹریکف بھی سیدھا نیو ٹاؤن بھیجی جائے گی ، راشد منہاس روڈ سے سٹیڈیم براستہ ڈالیمار روڈ شہریوں کو جانے کی اجازت نہیں ہو گی ، شہری نیپا ، عسکری فور، ڈرگ روڈ سے شارع فیصل​​​​​​​ یا ملینیم ، نیپا سے صفورا یا گلشن چورنگی سے سہراب گوٹھ کا راستہ اختیار کر سکیں گے ۔

مزید دیکهے

متعلقہ خبریں