24 جولاٸ 2017

نئی دہلی /مرکزی وزات داخلہ نے خبردارکیا ہے کہ کشمیر میںامن دشمن سرگرمیاں ناقابل قبول ہیںلہذا جو کوئی بھی امن دشمن اور ملک کی سالمیت کو خطرے میں ڈالنے کا کام کریگاااور تشدد بھڑکانے میںملوث ہوگا اس کیخلاف سخت کاروائی عمل میں لائی جائیگی

اہم خبریں

علاقائی

انتظامی سیکرٹریوں کو فیلڈ دورے کرنے اور پروجیکٹوں کی بروقت تکمیل کو یقینی بنانے کی ہدایت دی - سرحدی مائیگرینٹوں کیلئے اراضی کی نشاندہی ، انسداد سیلاب سے متعلق کاموں کو ترجیح دینے پر زور
24 جولاٸ 2017

سرینگر/وزیر اعلیٰ محبوبہ مفتی نے انتظامی سیکرٹریوں کو اکثر فیلڈ دورے کرنے کی ہدایت دی ہے تا کہ زمینی سطح پر ترقیاتی پروجیکٹوں کی عمل آوری یقینی بن سکے اور پروجیکٹوں میں حائل رکاوٹوں کو موقعہ پر ہی دُور کیا جاسکے۔آج ریاسی، پونچھ اور راجوری اضلاع میں کئی اہم ترقیاتی پروجیکٹوں کی پیش رفت کا جائیزہ لینے کے لئے طلب کی گئی ایک میٹنگ سے خطاب کرتے ہوئے وزیر اعلیٰ نے ان اضلاع میں کاموں کی رفتار میں سست روی اور کم خرچہ جات کرنے پر برہمی کا اظہار کیا۔ انہوں نے انتظامی سیکرٹریوں کو خطہ میںترقیاتی پروجیکٹوں کی نگرانی کرنے اور موقعہ پر ہی اڑچنوں کو دور کرنے کی ہدایت دی۔

نقطہ نظر

پانی کہاں گیا؟
24 جولاٸ 2017

 آج کل گرمی پورے شباب پر ہے اور اس موسم کا مقابلہ کرنے کیلئے جو چیزیں لازمی ہیں جب وہ دستیاب نہیں ہونگی تو پریشانیاں بڑھ جاتی ہیں۔ وادی کے کم و بیش ہر علاقے میں نہ صرف پینے کے پانی کی قلت محسوس کی جارہی ہے بلکہ کئی علاقوں سے آبپاشی کیلئے بھی پانی کی عدم دستیابی کا لوگ رونا رو رہے ہیں۔ ہمارے یہاں اعلیٰ تربیت یافتہ انجینئروںاور ماہرین کی کوئی کمی نہیں ہے اس کے باوجود جب ہم اس موسم میں مشاہدہ کرتے ہیں تو ہر سال جون جولائی اور اگست میں پینے کے پانی یا آبپاشی کیلئے پانی کی قلت محسوس ہوتی ہے۔

قومی

 معاشرے کو ہر طرح کے تشدد سے پاک کرنے پر پرنب کا زور
24 جولاٸ 2017

نئی دہلی/ ملک میں گئورکشا کے نام پر برپا تشدد کے واقعات کے پیش نظر رخصت ہوئے صدرجمہوریہ پرنب مکھرجی نے رواداری کو ہندوستانی تہذیب کی بنیاد بتاتے ہوئے کل کہا کہ معاشرے کو جسمانی اور زبانی ہرطرح کے تشدد سے آزاد کرنے کی ضرورت ہے ۔ مسٹر مکھرجی نے اپنے عہدے سے سبکدوش ہونے سے پہلے قوم کے نام اپنے پیغام میں کہا کہ ذمہ دار معاشرے کی تعمیر کیلئے رواداری اور عدم تشدد کی طاقت کے احیا کی ضرورت ہے انہوں نے کہا،کہ روزانہ ہم اپنے ارد گرد تشدد کو اضافہ پذیردیکھ رہے ہیں۔اس تشدد کی جڑ میں جہالت، خوف اور بد اعتمادی ہے ۔

کھیل

بھارت میں خواتین کا بھی آئی پی ایل ہونا چاہیے ہم نے اہم لمحوں میں گھبرا کر خطاب گنوادیا:متالی
24 جولاٸ 2017

'لندن /بھارتی ویمنز کرکٹ ٹیم کی کپتان متھالی راج نے خواتین کھلاڑیوں میں ٹیلنٹ کی تلاش، ان کی صلاحیتوں کو ابھارنے اور مقامی کھلاڑیوں کو بین الاقوامی سطح پر لانے کیلئے انڈین پریمیئر لیگ ﴿ا?ئی پی ایل﴾ کی طرز پر خواتین کرکٹ ٹورنامنٹ منعقد کرانے کا مطالبہ کردیا۔بھارتی کپتان کا یہ بیان گذشتہ روز ویمن ورلڈ کپ 2017 کے فائنل میں سنسنی خیز مقابلے کے بعد انگلینڈ کے ہاتھوں 9 رنز کی شکست کے بعد سامنے آیا۔فرانسیسی خبر رساں ادارے اے ایف پی کی ایک رپورٹ کے مطابق متھالی راج کی ٹیم پورے میچ میں چھائی رہی لیکن میچ کے اختتامی مراحل میں انگلش باؤلر آنیہ شرب سول نے میچ کی کایا پلٹ دی۔

بین الاقوامی

لاہور میں غیر قانونی تجاوزات کیخلاف کارروائی کے دوران دھماکہ، 26 افراد ہلاک 49 زخمی
24 جولاٸ 2017

لاہور/ پاکستان کے صوبہ پنجاب کے شہر لاہور میں غیر قانونی تجاوزات ہٹانے کے دوران ہونے والے دھماکے میں کم از کم 26 افراد ہلاک اور 49زخمی ہوئے ہیں۔پولیس کے مطابق غیر قانونی تجاوزات کو ہٹائے جانے کا کام ارفع کریم آئی ٹی ٹاور کے قریب سبزی منڈی میں کیا جا رہا تھا جب یہ دھماکہ ہوا۔ صوبائی وزیر صحت سلمان رفیق نے میڈیا سے بات کرتے ہوئے کہا کہ دھماکے میں اب تک 26 افراد ہلاک اور 49افراد زخمی ہوئے ہیں۔ اس سے قبل وفاقی وزیر داخلہ چوہدری نثار علی نے کہا تھا کہ دھماکے کی نوعیت کی تحقیقات کی جا رہی ہیں۔‘